Page 17 - BON DIA ARUBA

A17
HENDE Diabierna 26 Juli 2019

Di 24 World Scout Jamboree

Muchanan di Contingente Aruba activo rond di Bechtel Summit Reserve

ORANJESTAD – Atravez di e cuentanan oficial di me-
dia social riba Facebook y Instagram, mescos cu riba
nan cuentanan individual, por aprecia con miembro-
nan di e Contingente Arubiano na e World Scout Jam-
boree ta pasando nan dianan aya na Bechtel Summit
Reserve na West Virginia. E opcionnan ta hopi y e ho-
bennan Arubiano ta disfrutando di mas tanto cu por,
mientras ta sigur di carga nomber di Aruba na halto cu
nan bay.

Di informacion a logra obtene, a compronde cu nos muchan-
an ta compartiendo un area di campamento hunto cu e del-
egacionnan di Belize y Alemania, entre otro. Fuera di tur e
actividadnan cu por haci rond di e sede, e tareanan di e dia ta
keda reparti entre e diferente patruyanan caminda, por ehem-
pel, un patruya ta asigna pa cushina desayuno, otro pa dinner,
etc. Manera e potret ta ilustra, nan ta cushina riba stoof pa tur
otro mucha, ta sinta come hunto y tambe tin di ruim op haci
limpi y selecta sushi pa reciclahe.
Un di e tareanan durante e di 24 World Scout Jamboree ta di
cera mas tanto contacto posibel cu Scoutnan di otro paisnan,
pa cual cada participante a haya un banchi digital cu, ora nan
pone bandi otro Scout, ta intercambia dato cu despues por
keda conecta via un aplicacion. Un di e encuentronan agrada-
bel cu e evento aki a facilita tabata esun cu hobennan Scout di
e contingente di Hulanda cu tabata di bishita na e campamen-
to di Aruba. Nan a intercambia di dashi, manera ta e custum-
ber, caminda cada dashi ta indica e pais di unda e Scout ta bin.
E tamaño di e Summit Bechtel Family National Scout Re-
serve ta asina grandi, cu e ta ubica den dos diferente ‘county’
(districto) di West Virginia, pa un total di 14 mil hectare cu ta
ekivalente na 57 kilometer cuadra. Hopi atraccion ta keda na
un distancia considerabel di e otro. Por ehempel, e meer ta
un banda, mientras cu e white water rapids ta full otro banda,
mescos cu e zipline. Pesey e participantenan di Aruba a entre-
na den e lunanan previo na nan biahe dor di haci caminatanan
largo rond di nos isla. Tabatin un grupo cu den transcurso di
diaranson ultimo a cana un total di 37 kilometer.
Danki na cooperacion di Aruba Tourism Authority y Jolley
Holding, e delegacion a bay cu un cantidad limita di obheto-
nan di promocion di Aruba, mescos cu banderin y bandera, cu
por identifica nan unda cu nan bay. Tambe a pega nomber di
nos pais na e Sustainable Tree, cual ta promocion cu ta spera
di haya mas promocion di dje den un proximo oportunidad pa
comparti cu lectornan di Bon Dia Aruba.