Page 18 - BON DIA ARUBA

a18 deporte internacional
Diabierna 26 Juli 2019
Tour De France 2019 Etapa 18

Nairo Quintana ta resucita riba tereno conoci

COL DU GALIBIER - E prome di e tres etapanan fi-
nal den montaña halto a trece e drama cu tabata spera.
E Colombiano Nairo Quintana, pa varios aña caba ta
duna color na e Tour den e etapanan mas dificil, pero
e aña aki tabata luci menos bon, hasta no a yega na un
clasificacion aceptabel den e top 10, cu un desbentaha
di casi 10 minuut. Sin embargo, riba e monstruoso
subida di Col du Galibier ayera el a laga tur su compa-
ñeronan di e grupo di 33 cu a sali di e peloton na inicio
caba, y a aumenta su bentaha riba e parti mas dificil
cu casi minuut y mey riba e lidernan di clasificacion.
El a mantene su bentaha den e bahada pa luga di fin-
ish Valloire, pa un victoria memorabel. Cu su hazaña
el a logra bula te na puesto 7 den clasificacion general,
na 3:54 di e lider. Segun algun comentarista, Quintana
a train specificamente riba Galibier na luna di juni. E
tabatin un plan di su mes caba anto, y el a logra. Ro-
main Bardet a drenta su tras cu 1:35 pa segundo puesto
y Alexey Lutsenko a yega na 2:28.

Mas patras tabatin otro bataya andando entre e lidernan den
clasificacion. Egan Bernal, e hoben Colombiano di ekipo di
Geraint Thomas, a ataca faltando 3 km pa yega na top di Gali-
bier y a logra gara un bentaha di mita minuut riba e grupo su
tras unda lider Alaphilippe tabatin algun momento dificil y a
cay atras den e subida. Pero cu su capacidad pa tuma riesgo
y baha di manera impresionante el a logra yega na e grupo
cu tur e otro faboritonan: Thomas, Kruiswijk, Pinot, Buch-
mann. Bernal di e manera aki a avansa a costo di su compa-
ñero di ekipo Thomas. Realmente no tin un claridad kico ta e
tactica di team Ineos, cu ta pustando dos cabay pareu: Thomas
y Bernal. Ayera caba Thomas a yuda corta bentaha di Bernal,
liderando e persecucion y yudando e otro rivalnan (Kruiswijk,
Pinot) pa limita nan perdida tras di Bernal.

Den e clasificacion general Alaphilippe a mantene su posicion
di lider, aunke cu menos bentaha, cu Bernal na di dos puesto
cu 1:30 atras, Thomas na di tres cu 1:135, Kruiswijk cuatro cu
1:47 y Pinot cinco na 1:50. Conclusion ta cu Alaphilippe, cu
tur hende mirando ki ora e ta bay sucumbi bao di presion den
e subidanan, ‘a krak pero no a kibra.’ Si su contrincantenan no
por lag’e atras cu un desbentaha di varios minuut, teniendo
cuenta cu su tremendo capacidad pa gana tempo den bahada
ademas, por ta cu Tour de France pa prome biaha den hopi
aña lo haya un ganado cu no tabata mes entre e candidatonan
di e comentaristanan mas experimenta.

Etapa 19 Saint-Jean-de-Maurienne - Tignes 126,5 km
E etapa di awe ta mas cortico y cu menos subida grandi, pero
tin un finishline marca na mas di 2.000 metro di altura. Prome
cu yega na Tignes, mester subi te na e ‘dak’ di e Tour aki, cu ta
Col de l’Iseran (2.770m) pa despues baha y bolbe subi te na e
2.113 metro di altura na finish na Tignes. Lo mas probabel ta
cu lo tin un grupo atrobe di coredo menos bon clasifica cu lo
pica dilanti tempran pa purba conserva algo di e bentaha aki.
Un coredo pa tene na cuenta ta e Frances Thibaut Pinot, cu
conoce e tereno bon, e tin un cas den cercania di Tignes. Di
otro banda, cu tres Colombiano den top 10 (Quintana, Bernal
y Uran), por ta cu lo tin otro celebracion despues di careda.