Page 23 - DESPA 24 MARCH, 2017
P. 23
Kentura hel na Brazil
Published on March 23, 2017 in Boneiro
KRALENDIJK, Boneiro
Desde kuminsamentu di desèmber 2016 tin un brote di Kentura Hel (Yellow Fever) den
algun estado den sùit di Brazil. E Organisashon Mundial di Salú (WHO) a partisipá
esaki fin di yanüari. Te ku awe ainda e epidemia aki ta andando. Tambe t’asina ku
resientemente na su yegada bèk na Hulanda a konstatá Kentura Hel serka un pasahero
ku a biaha pa Sürnam sin a tuma su bakuná. Ounke ku Kentura Hel ta endémiko na
Sürnam, e último 45 aña no a registrá ningun kaso.
Kentura Hel ta un malesa raro pero serio, ku un vires ta okashoná. Un grupo chikitu di e
personanan infektá ta haña un tipo serio di e malesa ku riesgo ku nan por fayesé. E
vires ta eksistí solamente na Afrika parti sùit di Sahara i na Sùit-Amérika (inkluso
Panama i Trinidad & Tobago). Sangura afektá ku partikularmente ta pika den dia ta
transmití Kentura Hel. Tambe e malesa por keda transmití pa e sangura Aedes Aegypti
ku ta eksistí ta Boneiru tambe. Pero den e último 100 aña nunka no a registrá un kaso
di Kentura Hel na Boneiru.
Por evitá Kentura Hel dor di bakunashon (pasa angua). E Departamentu di Salubridat
Públiko – GGD ta konsehá bakunashon pa algun pais na Sùit-Amérika i Afrika. Pa
Sürnam t’asina ku ta konsehá bakunashon pa tur biahero. Riba e
