Page 24 - DESPA 24 MARCH, 2017

wèpsait www.lcr.nl por mira e situashon aktual di paisnan kaminda tin Kentura Hel i e
paisnan na unda bakunashon ta obligatorio. Na Boneiru tambe ta eksistí un obligashon
formal pa mustra un prueba di bakunashon kontra Kentura Hel, si e persona ta biniendo
di un área di riesgo. Tin algun pais ku entretantu a hasi e kòntròl riba kumplimentu, ku e
reglanan relashoná ku Kentura Hel, mas severo pa biaheronan ku ta yega for di
áreanan di riesgo. Si bo ta sperando bishita di famia òf konosí for di e áreanan di
riesgo, ta bon pa informá nan adelantá ku aki tambe ta eksigí un prueba di bakunashon
kontra Kentura Hel.

E bakunashon ta duna protekshon pa bida largu. Buska informashon serka
Departamentu di Salubridat Públiko si bakunashon ta rekomendabel pa bo. Antes e
bakuna tabata válido 10 aña, pero resientemente (na 2016) WHO, a base di
investigashon sientífiko, a deklará ku e bakuna di Kentura Hel ta válido pa bida largu.
Mester apliká e bakunashon kontra Kentura Hel minimalmente 10 dia promé ku yegada
den e área di Kentura Hel. E Departamentu di Salubridat Públiko ta duna konseho pa
bo biahe mará na bo situashon personal tokante riesgonan i bakunashon konforme e
preskripshonnan di Landelijk Coördinatiecentrum Reizigersadvisering (Sentro
Nashonal di Kordinashon di Konseho pa Biaheronan). Pa un sita pa un konseho mará
na bo situashon personal bo por yama Departamentu di Salubridat Públiko na number
di telefon +5997172211.