Page 48 - MIN ECEM

'Como gobierno tini diferente interes pa evalua, medio
ambiente esun mas importante'

Monday, 03 April 2017 17:46
Comparti

Dialuna mainta trempan Minister Mike de Meza tabata presente na Universidad di Aruba unda cu el a
duna un "Opening Speech" na un training cu ta inicia awe pa Parke Nacional Arikok. E tema ta "Planning
for Real: a management plan for Spaans Lagoen, Aruba". Presente tabatin DOW, Departamento di
Naturalesa y Medio Ambiente (DNM), empleadonan di Parke y Wageningen Environmental Research
(Alterra).

Minister de Meza a bisa: 'E ta un honor pa por tin "great minds" hunto pa traha un programa cu lo dura pa añanan y
asina continua pa e proximo generacion. Pa gobierno e ta dificil pasobra nos tin semper diferente interes cu mester
evalua y trata, sinembargo medio ambiente ta esun di mas importante. Minister ta enfatisa cu a pesar di esaki como
gobierno mester tene consideracion cu e desaroyo economico di e Pais, pues e no ta facil como gobierno. Mester bisa
cu mas y mas persona ta consciente di locual cu ta encera e balor di nos medio ambiente. Nos kier plania pa haci mas
hopi cu ta posibel pa cumpli cu mision pa salba nos medio ambiente y como gobierno, boso por conta cu nos pa sigui
pusha pa esaki y percura cu medio ambiente ta proteha", Minister de Meza a bisa.

E training di e plan di maneho di Spaans Lagoen a inicia ayera y e ta encera 2 dia (3 y 4 april) di programa intensivo
unda cu expertonan y participantenan lo participa na presentacionnan, comparti ideanan icluso bishita lagoen.
Participantenan lo familiarisa cu e sitio y lo tin oportunidad pa haci pregunta na expertonan entre otro. Lo wordo
spera di e participantenan cu nan lo crea un vision pa e lagoon unda cu nan lo indica ki tipo di desaroyo nan ta desea
di mira of den ki condicion. E tayer lo enfoca riba "sustainable ecotourism" di islanan den Caribe y e vision cu lo
wordo desaroya pa e lagoen lo ta a base di un plan di 25 aña cu metanan a base di 5 aña. na final, participantenan lo
ricibi certificado.