Page 66 - AHATA

Pa cuminsa na ningun pais a logra baha e consume di tabaco, ni di alcohol dor di subi

accijns riba nan. Investigcionan ta mustra cu hende lo prefera laga otro cos un banda,

pero sigi huma y bebe alcohol. Sigur e aumento aki por subi e entrada di gobierno, pero e

pregunta ta, a costo di kiko?

Hopi hende mes na Aruba ta gana minimumloon of un tiki mas. Hecho ta cu net e grupo

aki ta huma mas y ta consume mas alcohol cu esun cu entradanan mas halto. Na mes un

momento hopi hende den grupo aki awor caba no ta kom rond fin di luna cu e entrada cu

nan tin. Como maestro di scol mi por bisa cu lamentablemente por mira un situacion na

unda pobresa na nos isla ta un realidad y hopi hende ta lucha tur luna pa por kom rond y

paga nan debe. E grupo grandi aki no lo stop di huma of stop di dal nan drinks. Esey ta

significa cu nan mester cuminsa reduci riba otro gastonan. Esey lo bira cuminda, panja
ect. na unda sigur e muchanan di e famianan aki lo sufri e consecuencianan tambe. Mas, e

lo bira mas dificil di cumpli cu debenan di banco of instancianan manera Island Finance y

lo conduci den mas problema financiero y mas asina probesa. Hecho tambe ta cu

probersa tu aumenta e uso di cigaria y alcohol. Y finalmente cu esaki tambe ta keda

demostra cu e argumento cu e medida aki lo baha gasto di salud ta uno cu no ta cuadra cu

realidad. Mas e medida aki a largo plazo lo subi e gastonan di salud.

Cu e medida aki gobierno ta mustra bon cla cu nan solo ta interesa di jena caha di

gobierno, pero no cu e pueblo ta central y e sigur no ta un social democrata. E medida aki

hustamente ta bai completamente contra esaki. Esun cu ta usa e argumento cu hende

mester bira responsable y ta nan mester scoge pa laga humamento y alcohol un banda pa

asina nan por kom rond ta biba den un mundo ireal. Mi lo bias nan cana den sapato di

pueblo prome. Sigur den un mundo perfecto hende lo stop di huma y bebe alcohol, pero

realidad ta cu e no ta asina y den otro paisnan esaki a keda demonstra caba. Si esey ta di

lamenta ta un otro discussion, pero un ministro o un gobierno mester tuma desiconan a

base di realidad.