Page 67 - AHATA

Un otro concecuencia negativo cu e medida aki lo tin ta pa nos turismo. Aruba ta entre e

destinonan mas caro di nos region caba. Cualkier trahado den e sector turistico por conta

bo con turista ta keha mas y mas y ta buscando otro destinonan caba. Turistanan ta bin pa

relaja riba nos beachnan, pa sali come, pa bai casino. Hopi di nan net ora ta vakantie

gusta di sali y dal nan drinks. Cu e medida aki un biaha mas Aruba a bira un biaha mas

hopi mas caro y mas tursitanan lo cuminsa wak otro destinonan.

Awor cu drinks den sector turistico a subi barbaramente (locual ta logico, pasobra

hotelnan y restaurantnan gewoon ta pone nan percentahe riba e prijs di compra) e tips di e

trahadornan, di locual hopi hende den e sector aki ta depende pa nan por sera e placa di

luna y pone un banda pa low-season, ta bira hopi menos. Kinan tambe ta bira cla cutambe

asina e entrada di un gran parti di pueblo husto lo baha dor di e medida aki cu tur su
consecuencianan.

Ningun hende ta desmenti cu e situacion di pais Aruba ta florisante, pero ora ta tuma

medida asina descabaya nos mester puntra nos mes si e minstro aki sa kiko e ta hasi y si e

tin nocion den cua situacion y bou cua circumstancianan nos pueblo ta biba y tene esey
na cuenta.

https://24ora.com/edwin-duijneveld-subimento-di-accijns-lo-contrubui-na-mas-

pobresa/