Page 25 - SOLO DI PUEBLO

Diabierna 23 December 2016 Pagina 25
HOBENAN DI SKOL DI CICLISMO DI SAN FUEGO

CYCLING CLUB A PASA NAN TEST NIVEL A Y B

Recien San Fuego Cycling
club a organisa un test pa
muchanan cu ta asisti na
su skol di ciclismo.

Meta di e testnan aki ta
pa midi e nivel technico
como tambe e habilidad
di core bicicleta conforme
edad di muchanan cu ta
asisti na e skol di ciclismo.
Mayornan por mira asina
e progreso di nan yui cu ta
asisti na e skol di ciclismo
tambe.

Esaki ta parti di un
programa di duracion largo
cu San Fuego Cycling
Club a cuminsa implica
den cuminsamento di
2016 y tin como meta
prepara muchanan pa
seya e parti competitivo of
recreativo den e deporte
di ciclismo.

Meste menciona cu aribe
e dia di test tabata tin un
yobida fuerte pero cu no
a kita e entusiasmo di e
muchanan pa pasa nan
test.

Esaki tabata e ultimo
actividad tambe di nos
skol di ciclismo pa 2016.
Nos lo cuminsa bek ariba
diasabra 7 januari 2017
pa 16:00 p.m. riba veld di
SV Arikok na Shete. Esaki
lo ta un bon oportunidad
tambe pa mayornan cu
ta interesa di laga nan
yui siña core bicicleta pa
trese nan yui.

Lesnan ta ariba diasabra
for di 16:30 p.m. pa
18:00 p.m. y ta gratis.
Muchanan cu ta interesa
pa cuminsa meste tin un
MTB den bon condicion,
valhelm y handschoen ta
mandatorio.

Pa medio di esaki San
Fuego Cycling Club ta
hasi uso di e oportunidad
pa desea tur miembro,
muchanan y mayornan
como tambe nos
sponsornan principal
cu ta C.M.B N.V., Total
Cleaning N.V. y prensa
deportivo feliz dianan di
fiesta y un prospero 2017.