Page 43 - Djabierne 2 november 2018.pdf

Djabièrnè 2 Novèmber 2018 43

Kontinuashon di pagina 12
Magno proyekto

di kaya kaminda
turistanan ta trafiká, lo haña
un bista kompletamente
nobo, na momentu ku tur e
kasnan ta drechá i di fèrf.
Minister di GMN Suzy
Camelia-Römer tambe a
mustra riba e importansia
di mantenshon i di kasnan
dje bario. Ta konosí ku tin
edifisionan ku ta den man
partikular i ku tambe ta den
estado dekadente. Lo mester
trese kambio den nos leinan
p’asina por responsabilisá
e doñonan dje estado di e
edifisio ku e petishon pa
tuma e pasonan nesesario.
Direktor di FKP Sr.
Arthur Con a splika tokante
e kantidat di trabou ku e
proyekto aki lo trese kuné.
E proseso dje proyekto
ta start awor den novèmber
ku un inventarisashon dje
estado den kasnan ku ta den
fase 1, pa sigui ku e kayanan
den fase 2 i despues igual
den fase 3.
Na momentu ku e
informashon dje estado dje
kasnan ta konkretisá lo
sigui mesora ku e proseso di
preparashon atministrativo
pa djis despues kuminsá ku
drechamentu dje kasnan.
A mustra e abitantenan
ku esaki ta un proyekto
firmá i definitivo i ku pronto
nan lo mira resultado dje
proyekto ku un bario ku ta
lusi.
Importante ta pa kada
habitante sigui mantené su
kas despues ku kaba ku e
trayekto di drecha.
E proyekto for di fase
di inventarisashon te ku
final kaminda tur kas a
keda drechá, lo dura for di
novèmber 2018 te ku final
di 2020. Ta trata di un total
di 165 kas di kual 70 kas di
gobièrnu ku FKP ta manehá
i 95 kas di FKP.
Fundashon Kas Popular
ta invitá tur habitante
pa duna nan koperashon
kompleto pa e proyekto por
bira un éksito.