Page 44 - Djabierne 2 november 2018.pdf

44 Djabièrnè 2 Novèmber 2018
OM ke regla pa e
famianan tambe
sigui e kaso
Kaso di

aksidente

ku morto na

Bándabou

posponé

WILLEMSTAD.- Korte
di promé instansia
ayera a posponé e kaso
di aksidente, ku morto
ku a tuma lugá dia 6 di
ougùstùs último riba
kaminda Monica Kapel
Matheeuw na Bándabou.
Pa ku esaki e akusado
Rutger H. (37) nasé na
Ulanda ta keda akusá di a
kore bou di influensia di
alkohòl den su Vitara i a
aksidentá den e vehíkulo
Kia Picanto ku e víktima di
fam Hatser tabata manehá
huntu ku su pareha.
E choke tabata hopi
fuerte di kual e víktima
Hatser nasé na Alemania
a pèrdè su bida na e sitio
mes.
E akusado no a
presentá ayera den sala di
korte. Fiskal a bisa ku el a
paga un suma di plaka di
kual su detenshon a keda
posponé.
E kaso a keda pospon’é
pa motibu ku fiskal tabata
purba drenta den kontakto
ku e famianan di e víktima,
pero no por a logra.
Den un intento di
djabièrnè último el a logra
haña e tata di e víktima ku
a bisa ku nan ke sigui e
kaso si, pero no ta deseá
di ta den sala di korte
aki na Kòrsou durante
tratamentu di e kaso.
Fiskal a bisa ku tur famia
tin derechi di presensiá e
kaso si nan ta deseá. Debí
ku a logra haña e famia
muchu lat, a disidí pa para
e kaso.
Awor fiskal mester bai
hasi trámitenan pa e famia
por logra sigui tratamentu
di e kaso i tambe pa buska
un traduktor pa tradusí
e ulandes pa e idioma di
aleman.

Abogado Marije Vaders
ku lo bai hiba e defensa, a
bisa ku e no tin problema
pa e kaso keda pospon’é.
Fiskal a duna di konos’é
ku e kaso lo kontinuá na
luna di febrüari binidero.