Page 7 - WEB

“Serlimar tin hopi mas lugar unda cu e tin cu piki sushi”, segun e mandatario.

Oduber a sigui bisa cu si Serlimar por haci e trabao pa e suman menciona, e ta puntra
su mes e ora ey ta cuanto e compania priva ta ganando.

“Ta cuanto nan ta hibando di ganashi of ineficiencia, mirando cu nan tin cu cobra 25
florin”.

“Serlimar ta cobra 25 florin, pero Serlimar ta piki sushi na bo cas, ora cu tin un bestia
morto riba caminda Serlimar no ta pasa na banda manera Ecotech y piki solamente na
esun cu ta page 25 florin”.

“Esun di Serlimar tin cu para piki e bestia morto”.

“Si tin un mata cu ta colga abao riba caminda, e truck di Ecotech ta subi un tiki riba
acerca y pasa e mata bay”.

“Esun di Serlimar no, e tin cu para y manda un ploeg pa bin corta e mata etc.”, segun e
minister, kende a indica cu Serlimar tin varios otro tarea den nos comunidad.

“Bo tin cu splicami con por ta posibel cu Serlimar ta haci tur e trabao di 25 florin
caminda cu 17,50 ta bay pa tur otro tarea y 7,50 ta bay pa piki sushi, mientras cu un
compania priva ta cobra 25 florin pa djis recoge sushi , sin tur e otro tareanan”.

“Awe cu Aruba ta limpi, ta danki na serlimar y no un compania priva”, segun Oduber,
kende a bisa cu e discusion cu tin aworaki no ta un discusion alcaso”.

“E ta un discusion emocional cu ta tuma lugar, door di un interes particular priva di un

compania na Aruba”.

“Esaki no ta pasobra ta kita un trabao of un trahador di nan”.

“E ta pasobra nan tabata tin un proyecto cu yama Ecogas y e proyecto ey a fracasa”.

“E proyecto a bin pa produci gas pa WEB y e no a funciona”, segun Oduber, kende a
indica cu e compania ainda tin un debe di miyones cu WEB.