Page 29 - ATA

San Nicolas Ports Autority & Development Lo

Desaroya Un Magno Proyecto Pa San Nicolas

 Politica
- 13/05/2019

San Nicolas Ports Authority no ta ser funda pa competi cu ningun otro compania. Asina
Minister Chris Romero a informa durante e noticiero Den Noticia ayera merdia na Radio
Galatica. Pasobra Aruba, t’asina leu cu nos sa, tin un solo compania pa maneha tur waf di
Aruba, incluso esun di San Nicolas, anto pakico crea otro compania banda di Aruba Ports
Authority?

Segun Minister Chris Romero, San Nicolas Ports Authority Development ta un necesidad
pa atende cu tur desaroyo na San Nicolas. No ta nan intencion pa tuma over e trabao cu
APA a bin ta haciendo, pero lo complementa sigur e trabao na San Nicolas su waf. P.e. e
ta bezig cu e proyecto di Fast Ferry, pa cual mester di un identidad pa controla esaki y
asina tur otro proyecto cu e tin den pipeline

Hecho ta cu tin hopi tereno cu lo bin liber den e refineria, pa cual tin masha interes di
hopi inversionista y asina Gobierno kier tin un “body” pa controla esaki. Asina a surgi e
San Nicolas Ports Authority and Development pa desaroya tur proyecto y supervisa nan
tambe.

Minister Chris Romero a duna di conoce cu e ley ta na Directie Wetgeving caba y ta su
intencion pa Parlamento trata e ley aki, ainda prome di bay cu reces.