Page 30 - ATA

E mandatario no por bisa cu e ta haya resistencia p’e proyecto aki, cu ta na bienestar di
Aruba mes. Hecho ta cu mester di haci un inversion chiquito, maske e diferente
proyectonan cu lo tin, lo ta bin cu nan financiamento caba.

Gobierno mes lo no mester bay na haci inversion grandi pa realisa e proyecto aki. Manera
ya menciona SNPA lo complementa APA cu servicionan cu APA no ta haciendo
aworaki.

Mas bien, e compania nobo aki lo yuda den diversificacion di diferente proyecto.

HAF TURISTICO
No ta Gobierno a pensa di haci e haf nobo di San Nicolas uno pa cruceronan tambe, pero
segun Minister Chris Romero e tabata hunto cu su colega Dangui Oduber aña pasa na
Miami, n’e Cruiseline Convention, y ey, varios compania crucero a mustra interes grandi
pa desaroya e haf aki tambe den uno turistico.

Ta nan a pidi, mirando e potencial cu San Nicolas tin di ofrece, banda di loke nan conoce
caba di Oranjestad. Nan kier algo otro y nan a bishita San Nicolas y a mira masha
potencial pa desaroya e parti aki turisticamente.

Tin varios di e companianan crucero renombra cu kier inverti den esaki, segun Minister
Chris Romero, manera a sosode na varios pais den Caribe.

Esaki lo bira un di e metanan di San Nicolas Ports Authority, pa busca mas alternativa pa
cu desaroyo di San Nicolas, cu manera a keda señala, tin un potencial grandi.

Na San Nicolas por sinti diferente aspecto. Hopi hende ta sinti cu na San Nicolas bo ta
sintibo mas Caribense.

Gobierno kier desaroya tambe e posibilidad di practica di wind and kite surfing e.o. na
Boca Grandi, pa cual tin hopi interes tambe.

FAST FERRY
Minister Chris Romero a admiti cu e proyecto di Fast Ferry a cay un tiki atras. Despues di
a firma un MOU cu Minister Stevan Martina, kende a retira, y esaki a causa e retraso,