Page 23 - AHATA

Alan Howell Tin Pura Y Kier Sa Ki Dia Prome Piedra

Lo Bin Y Ki Dia Lo Cuminsa Cu E Info Desk Pa

Trabou P’e Hotel Nobo Na San Nicolas

 Politica
- 19/08/2019

Parlamentario Alan Howell comentando riba construccion di hotel na San Nicolas a bisa
cu lo bay haci preguntanan na Minister Otmar Oduber, entre cual ki dia especificamente
lo bay pone e prome piedra, pasobra un gran parti di hendenan na Aruba y pariba di brug
ta den expectativa pa e hotel aki.

Tambe e ta interesa pa sa con liher ta pensa di traha e hotel aki y den cuanto fase.
Igualmente el lo desea di sa con e proyecto aki lo contribui na desaroyo di infrastructura
general di pariba di nos isla.

Alan Howell a expresa cu fraccion di POR ta para 100% tras di e hotel na San Nicolas y
pesey mes nan no kier p’e fria y ta desea di haya sa ki dia lo bay pone e prome piedra.

Igualmente Howell a indica cu lo bay manda tambe diferente pregunta pa Minister
Glenbert Croes relaciona cu e aspecto laboral pa loke t’e desaroyo aki.

E fraccion blauw den Parlamento lo desea di haya sa ki dia lo bin cu un help desk of info
desk caminda ciudadanonan, specialmente esnan di pariba di brug por busca informacion
of por cuminsa prepara nan carta pa solicita den e diferente nivelnan cu lo habri cu e
hotel nobo.