Page 38 - AHATA

Con cu bo wak’e, e security ta haci su trabao door di proteha e turistanan. Den ningun

momento Arubianonan, si e hotel bin riba beach, acceso pa Arubianonan a yega su fin. Te

aki a yega. Nan lo keda molestia. Pesey durante e accion a haci un yamada pa bin y

demostra mal contento, cu e cos aki simplemente mester wordo para.

No ta cuenta cu bo ta di tal partido politico of no. E asunto aki mester wordo para den un

forma directo y e mester ta cla pa tur hende. Patrimonio di Aruba mester wordo proteha y

esey ta tur. No tin otro forma, no tin otro salida, no tin nada. E cos aki mester wordo para.

Sea ken sea bin opone, ta bin opone bek, segun Hertz. No tin awa pa laba. Arubianonan,

demostra boso dignidad, integridad, para e cos aki, pasobra pueblo solamente por salba e

pueblo.

E roseo di e pueblo Arubiano, por trece un paro na e cos aki. Hertz tin sigur cu e cos aki

lo bay bira un realidad. Lo par’e, sea como sea.

Ivo Valdez ta presidente di OPPA pero a bay como ciudadano pa asina sostene e accion

di firma di partido RAIZ. Esaki tabata net banda di Palm Beach. E ta un di e promenan pa
firma.

E ta splica cu e ta contra pa mas hotel bin Aruba. Manera cu el a opone den varios

ocasion, mas hotel ta nifica mas presion pa nos socialmente.

Si bo cana rond bo ta mira con pega e trafico ta. Awor aki bo ta bay traha mas hotel, mas

trabao pa hende di afo, cu ta pone mas presion riba nos. E instancianan social manera

AVZ, SvB, scolnan. E ta trece un situacion masha fastioso na Aruba y no por mas cu

esey.