Page 39 - AHATA

A bira tempo pa mustra eyfo cu ta contra. No por acepta cu e politiconan ta sigui tuma e

caminda di mas facil, pa soluciona problema economico na Aruba.

Pesey segun Valdez, aunke cu ta tende cu ta un done deal, pero a bira momento cu mester

protesta cu no por sigui asina.

HABRI PA SCUCHA?

Loke cu Valdez ta haya falta ta e boluntad di por scucha di parti di gobierno. Como

presidente di OPPA, nan a skirbi varios carta pa e representante di partido y ministernan,

y ta haya masha poco reaccion, of no den e tempo cu ta spera di haya. Cada biaha cu tin

un problema, ta na mesa tin cu sinta pa soluciona e problemanan.

A bira tempo pa cualkier gobernante, politico, scucha e pueblo. No gaña e pueblo cierto

cosnan y ora yega e momento pa ehecuta loke nan ta priminti, nan no ta haci’e.

Tabata tin moratorio riba hotel. Dicon diripiente hotelnan ta wordo traha si tin moratorio.

Of ta selectivamente ta aplica e moratorio? No por sigui di e forma aki, segun Valdez.

POCO HENDE

Ivo Valdez, den un otro rosea a expresa di ta lamenta si cu tabata tin asina poco hende,

aunke cu mayoria a firma bay. E mes tabata basta rato riba beach y e no a mira cara nobo

yega cerca. Por tende masha hopi keho riba caya y den organisacionnan y awo cu ta

momento pa expresa opinion, mester tey presente pa por haci’e y pa tur hende mira. No

por sigui asina na Aruba.

https://24ora.com/ciudadanonan-prominente-ta-sostene-accion-di-firma-di-

raiz-contra-hotel-nobo/