Page 61 - AHATA
P. 61
Merca cu aviso pa turistanan cu
kier biaha pa Hulanda
1 October, 2018
0
WASHINGTON, D.C., Merca- E minister di Relacionnan Exterior Mericano a
ahusta e conseho di biahe pa Hulanda. Anteriormente Hulanda tabata den e
categoria mas sigur, pero awo el a wordo manda pa categoria 2: turista y
biaheronan di negoshi mester ta mas atento relaciona cu posibel actividadnan
terorista.
“Teroristanan ta sigui planea atentadonan na Hulanda y por ataca sin previo
aviso”, asina por lesa ariba e conseho di biahe. Otro airport, stationnan di trein
y puntonan turistico popular ta luganan di risico. Biaheronan ta wordo avisa pa
ta extra cauteloso, pa sigui noticianan local y pa tin un plan pa situacionnan di
emergencia.
E ahuste di aviso di biahe ta bin poco tempo despues di cu polis Hulandes a
aresta shete homber na Arnhem y Weert pa a planea un atake terorista. E
ahuste di Hulanda na categoria 2 por conduci cu algun Mericano lo por cancela
nan biahe pa Hulanda. Paisnan bisiña Alemania y Belgica ya pa basta tempo
caba ta den e categoria aki.
