Page 66 - AHATA
P. 66
Na Palm Beach tabata tin un accion di firma. Esaki ta contra e hotel cu gobierno a
anuncia recientemente. Ta boga pa moratorium. Durante e ocasion basta hende a bin pone
nan firma. Ursel Arends, lider di Raiz a comenta cu hasta mama naturalesa a protesta
hunto cu nan, haciendo e dia aki uno interesante.
Tur caminda por a mira hende riba e beach, mustrando nan union pa asina purba di frena
e desaroyo cu tin pensa di bin cun’e.
Arends a sigui splica cu tabata tin dos motibo di e accion aki. Na 2010, parlamento a pasa
un mocion pa introduccion di un moratorio. Dia 20 di April, un biaha mas parlamento a
bolbe pasa un mocion pa asina aki exigi gobierno pa introduci un moratorio.
Pero lamentablemente cinco luna despues, tur hende por a tuma nota cu gobierno actual
ta comprometiendo nos cu un total di 4068 camber pa e proximo cuater añanan.
