Page 45 - ARUBA BANK

CONSEHO DI RAAD VAN ADVIES (RvA 109/15)
Den e conseho di Raad van Advies number RvA 109 /15 riba e concepto di ley
cu a wordo entrega na Parlamento na aña 2015, por lesa cu Raad van Advies ta
indica cu e concepto di ley ta en pugna cu nos constitucion. Bou capitulo 3 den
nan rapport nan ta splica cu no por duna autoridad di un pais autonomo na un
organo di Reino.

Nan ta sigui splica tambe cu e ley aki ta mina e derecho di budget di Parlamento
di Aruba. Y esaki ta un di e derechonan sagrado di un Parlamento den un estado
di derecho.

Por ultimo por lesa den e conclusion di Raad van Advies cu no ta posibel pa den
un ley nacional duna autoridad na un organo Hulandes of organo di Reino. Y
nan ta sigui splica cu e ley ta en pugna cu nos Statuut y constitucion di Aruba.

FUNCIONAMENTO DI CAFT
Si nos analisa diferente di e rapportnan cu CAFT ta emiti, nos por lesa
claramente cu na diferente momento nan a señala cu tawatin cifranan irealistico
keto bay ta wordo presenta. Mas aun nos por tuma nota cu nan ta papia di
maniobranan cosmetico pa purba cera buraconan den presupuesto.

Loke nos ta considera alarmante y loke nos ta condena ta cu e meta pa cual e
organo aki a wordo crea, esta pa percura pa e situacion financiero di pais Aruba
bira bon, no a wordo logra. Al contrario, Gobierno di Reino a permiti pa e
situacion empeora.

PA CONCLUI
Den nos siguiente clip informativo y articulo nos lo elabora riba e maneho cu
Gabinete Wever-Croes ta hiba pa remedia e situacion financiero di pais Aruba.
Esaki pa splica cu Hulanda no tin ningun motibo valido pa insinua cu e maneho
cu ta wordo hiba no ta responsabel. Tambe lo elabora riba e mocionnan cu
Parlamento a entrega pa sigura cu tin bon control riba e maneho, pa asina
restaura confiansa den nos estado di derecho.

https://masnoticia.com/rocco-tjon-mep-na-2015-caba-raad-van-advies-a-bisa-
cu-e-ley-di-laft-ta-contra-nos-constitucion/