Page 28 - MIN JUS 26 NOV 2016

Den su decision tocante e suspension di e detencion preventivo di e sospechoso, Hues a laga e circunstancianan
personal di e sospechoso pisa mas cu e motibonan di procedemento penal. Na e mes momento Hues a dicidi cu e
ernstige bezwaren y e base di e caso ta keda vigente. Ministerio Publico no ta de acuerdo cu e decision aki di Corte y a
bay den apelacion contra dje.
Tabata diaranson 16 di maart ultimo, cu recherchenan di e seccion "Jeugd en Zeden Politie" a detene e tata di inicial
J.T. 27 aña di edad, di cual su pareha a entrega keho contra dje di maltrato pisa riba nan baby. Fiscal Auxiliar a
ordena su encarcelacion mesora pendiente e investigacion andando y pa garantisa cu no ta molestia ni famia y ni e
baby victima.

E baby a keda interna den Hospital debi na tantisimo sla cu el a ricibi na varios parti di su curpa, pero specialmente
na su cara. Famia ta papia di 4 ribchi kibra, pia kibra y fractura na cara. Dokternan a saca un rapport medico pa
indica kico tur ta e slanan cu e criatura a sufri na man di su agresor y tambe e otro complicacionnan.

Ki dia Corte Superior lo trata e apelacion di Ministerio Publico no ta conoci, pero e lo mester sosode pronto.
http://www.24ora.com/index.php?option=com_content&view=article&id=116066:fiscal-a-apela-
decision-di-hues-pa-suspende-detencion-di-tata-di-baby-maltrata-&catid=24:corte&Itemid=29

Doodle Sophia: No coregi un fout haciendo un otro fout

Friday, 25 November 2016 20:09
Comparti

Doodle Sophia ta un homber di Dios y e sa unda e ta para. Ora cu informacionnan ta bay di un boca pa otro, for di e
boca pa otro y e subi facebook, etc., tur informacion ta wordo daña.

E mes no ta lesa tur. Tin diferente hende ta yama y bis'e cierto cosnan. A tild'e caba di acoso sexual, tin ta papia di
rape, violacion, pedofiel y asina e ta sigui. Ta un declaracion Sophia tin. No por bisa algo diferente cu el a bisa na
polis. Ta e declaracion cu el a duna polis, ta su declaracion. Aunke cu ya tur cos a bay fout, polis a dun'e di
compronde cu mescos nan a particip'e cu nan a duna e famia tambe di compronde, cu esnan encarga pa haci e
investigacion ta polis. Pa laga e cos y ainda nan a conseh'a Sophia, si hende bin puntra, bisa nan cu polis ta haci su
investigacion. Sinembargo despues ta wordo yama y bisa cu e señora tabata na television cu e mucha ta papia y hasta
el a graba e mucha. Tin yen di cos tin.

Sophia ta contento cu e oportunidad aki. Na Aruba Sophia ta un hende cu no ta desconoci y no ta bay haya un otro
reaccion cu no ta di Doodle. Su bida ta traha cu mucha. E ta busca mucha na scol, tur dia ta cu nan. E ta cu 14 hoben
den Fortaleza, muchanan cu nan a recoge di tempo nan tabata chikito. Awor aki nan ta muchanan hoben y ta
tocando rond tur caminda.

E ta haya jammer cu no tabata tin contacto cu e mayornan. E contacto cu tin awor aki ta cu e tata cu a bisa cu e ta
mata. El a yama e directora cu el a cuminsa menasa y a bay polis pa esey tambe.

Sophia, como un consehero y pastoor bay graba loke cu e muchanan ta papia di nan tata cu nan mama. Ora ta busca
un mucha na scol merdia, prome pregunta cu ta haci nan den auto, Mi yiunan con a bay, con ta. E trabao di conseho
pastoral ta grandisimo, pasobra muchanan ta bin di casnan desfuncional. Muchanan ta bin di casnan desfuncional y
casnan caminda sea ta matrimonio of pareha no ta cana. Specialmente e mucha en cuestion, ta cosnan cu ta pasa na
pia di trabao, cuanto a yuda e mucha aki. Algun tempo atras a sosode algo, caminda cu el a bisa cu lo papia cu e