Page 30 - MIN JUS 26 NOV 2016

Nos a papia cu pastoor Doodle Sophia, pasobra tin yen di situacion cu ta andando rond, expresionnan publico haci di
parti di un mama cual su yiu lo a bira victima di acoso sexual, etc. E ta acusa e pastoor di henter e asunto aki, te cu
polis a cay aden.

Pastoor Sophia a splica cu e ta un storia largo. Pero for di cuminsamento Sophia mester a bay polis pa duna un
declaracion y e no sa kico ta pasando. Ora cu el a yega na warda, polisnan ta bisa di e asunto, cu e ta wordo acusa di a
mishi cu pecho di mucha muhe. Ora cu e tabata na warda di polis ta dunando su declaracion, aparentemente e
asunto lo a pasa como dos siman prome, pasobra e ora ey ta cosnan di bida, e ora ey e tabata na warda di polis ta
duna declaracion. El a purba di trace bek kico tin, pasobra specialmente den e dianan aki e ta druk cu tocamento y su
casa tin un opvang pa casi 16 aña y durante e añanan aki nunca a haya nan mes den un situacion asina.

Agentenan policial a haci nan pregunta y como homber di Dios bo ta contesta cu e berdad. Sociedad conoce asina y
asina e ta. El a bisa polis cu absolutamente cu esey no tabata berdad. Esey no a sosode nunca y e ta spera cu e lo no
sosode nunca tampoco. E opvang no ta di dje, sino di su casa. Sinembargo, pregunta a bin y pregunta a bay y el a
splica cu tur dia e ta cu e muchanan, ta hunga cu nan, tene nan man, tira nan na laira, kishiki nan, etc.
Accidentalmente por mishi un hende caminda cu e no ta gusta, cosnan asina, pero, e proceso ta fout, pasobra e
mucha aki tin como 7 aña di opvang cerca nan y si algo a pasa robes, mescos cu tur scol, e mayornan tin di bay cerca
e leidsternan. Aparentemente tabata tin dos leidster na e scol y tambe e directora. E mayornan no a bisa scol nada,
nan no a bisa ningun leidster nada. Nan no a bisa e directora nada, nan a bay direct polis.

Na polis a bin bruhamento, pasobra e directora a mira cu e mucha tabata tin algun dia sin bin. A cuminsa yama e
mayornan y e ta bisa cu no ta haya contesta di e mama di e mucha y parce tin un otro responsabel cu tambe nan a
cera e telefon.

Sophia a bisa su casa a bisa cu ta straño. E ora e asunto di polis a bin aden.

Sophia no kier a bin den publicidad cu esaki, pasobra e proceso ta full fout y e no ta gusta di bay medionan di
comunicacion cu un hende a declara un cos, abo ta bin contradicie, djey e ta contesta, E no ta den e cosnan aki.

E no a wordo deteni

Sophia a enfatisa cu e no a wordo deteni. Sophia a puntra polis si e mucha ta bisa cu el aprimi su pecho, cual no ta
asina. E no a bisa cu el a hunga cu su pecho. Riba e declaracion ta para cu el a mishi cu su pecho. Sophia tambe a haci
su preguntanan. Den un caso asina aki, nan ta encarga pa haci investigacion y a bisa Sophia mescos cu a bisa e
mayornan, cu otro palabra pa laga e caso keto. Tabata tin mas biaha cu e mayornan lo a bin scol pa atende un ke otro
cos. Na caminda cu e mustra tabata mustra basta problema den opvang. E polis a bisa cu lo grave ta cu e mucha ta
bisa cu aparentemente cu a mishi cu su pechonan.

Sophia ta puntra su mes pakico e mester papia Ingles cu e muchanan, ya cu e mucha a declara cu el a bise pa keda
keto na Ingles. E cosnan ey ta palabra di hende grandi. 7 aña ta cu nan na e tra'i merdia. Un homber di Dios ta
depende riba Dios. E daño ta haci caba. Agentenan policial sa tur cos caba. Sophia no kier a duna entrevista, pero tin
hende a pidi pa e haci'e.

Cristo Hesus a wordo acusa di falsedad mil biaha mas grandi cu Sophia. Loke Cristo a haci ta keda keto. Sophia a
opta pa keda keto, pero el a haya presion. E tin di compronde cu tin recogemento di firma. E ta puntra pa ki motibo.
A bay tur radio emisora, bay tur canal di television, bula bay esunnan na Corsou tambe?

Loke cu Doodle Sophia a bisa na media, ta loke el a bisa na Polis. E no kier guera den medionan di comunicacion. E