Page 33 - HOSPITAAL

Awor, por ta gerencia di hospital por a compronde otro of por ta bibando den un bala di
cristal y no ta mira e realidad.

Dr. Jonkhoff na e momentonan aki su funcion como unico specialista oncologico a bira

imposibel. Aruba lo keda sin oncologo/hematologo den e proximo dianan. E posibilidad
pa un oncologo nobo parce ta na caminda y cu lo pone Dr. Wassenaar bek den e
funcion aki y sigur pueblo di Aruba lo ta contento.

Pero na otro banda, mester corda riba e ley cu ta bisa cu despues di cierto edad e
doctornan no por eherce mas ta sigur un ley “estupido”. E ley aki ta permiti pa kita un
doctor/specialista den splendor di su experticio y ta mande cas obligatoriamente.

Por ta esnan cu a traha e ley nan mente no ta bon pa aproba y sostene un ley asina.
Pero un docter specialista cu ta traha riba un tereno asina specifico y cu ta masha bon
mes fisica y mentalmente pa por eherce su profesion, pakico mester wordo retira?

Aruba falta specialista. Esey ta algo conoci pero na otro banda tambe tin AZV cual ta
trahando a base di un dictadura aki na Aruba y no ta duna posibilidad pa nada mas
sosode na e isla riba tereno di salud.

Por corda cu tin specialistanan arubiano y cu a bay studia afo y ora di puntra nan
pakico nan no kier a bin bek e contesta tabata simplemente cu no. Nan ta miho unda
nan ta y nan ta wordo trata miho, paga miho y reconoci miho.

Tin e casonan di e hobennan cu a bay studia medicina afo cu pa hopi aña a keda sin por
a bin Aruba pa traha na nan isla of cu a bin bek pasobra AZV a dicta cu nan no mag
eherce na Aruba.

Wel, ban papia awor di specialistanan cu tey pero cu nan ta fada y pa colmo ta meymey
di henter e situacion rond di e proyecto di hospital cu en berdad si a bay pio. Meymey
di e scarcedad di specialista por bisa cu Aruba ta den un crisis medico, y kier tapa e
solo cu un dede.

Ah, y kier bay traha riba tereno di turismo medico? Wel, Dr. Jonkhoof sigur no ta
papiando cosnan cu no ta cuadra cu berdad pasobra e ta biba den hospital casi 24/7.