Page 32 - MIN VOS

AWEMainta Diabierna, 30 December 2016 19

RCA cu otro aña Super Exitoso y ta cla pa 2017

DIRECTIVA di SV RCA ta masha agradecido na prensa, tur
sponsor y colaborador cu den 2016 a yuda e organisacion tricolor
yega na mas titulo y sigi marca historia.
RCA “Big Wheel Lottery powered by Powerade” a habri 2016 ga-
nando comodamente Copa Betico derotando Britannia den final
25 januari.
Na maart ekipo Tricolor ta ricibi e premio di mihor ekipo deportivo di
Aruba, un premio cu pa prome bes ta ser gana pa un ekipo di futbol.
Final di campeonato regular RCA ta caba #1 y titula campeon cu
apenas un derota y 17 victoria den 18 wega.
Despues di un play-off bon bataya RCA ta bolbe retene e titulo
maximo derotando Dakota na dos ocasion 1-0 pa titulo #34 di Aruba
su campeonato Division Honor organisa pa A.V.B.
Na september RCA ta bolbe marca historia conquistando e prome
Copa AVB, “Champions of the Exchange” derotando campeon di
St Maarten.

RCA lo habri 2017 contra SC United diadomingo 8 di januari pa 8or
di anochi. Organisacion tricolor ta enbusca pa retene e prestigioso
Copa Betico.
Un danki ta bay na tur leidsters y coaches cu ta trahando fo’i cat-
egorianan Infantil, Hubenil te na Damas y Division Honor.
Tambe na team di nos artistanan di Inter cu semper ta duna e sosten.
Por ultimo danki na tur sponsors cu ta forma parti di e famia
campeon tricolor. Directiva ta invita un y tur p’awe diabierna 6or
pasa club pa hunto nos sende pagara riba ritmo di Dande.
Felis Aña 2017 na Aruba completo.