Page 20 - FDLP
P. 20
ORANJESTAD (AAN) – Aruba ta bolbe score cu e deporte di muay thai caminda e atleta
Eddie Richardson a gana medaya di silver y bronz den campeonato mundial na
Thailand.
Manera nos por a comprende di e bond di Aruba di e deporte aki cu Aruba mester ta
hopi orguyoso pa e logro aki ya cu aña pasa a bin cu dos medaya cu ta di bronze, pero
e biaha aki a yega un tiki mas cerca logrando silver tambe.
Ta asina cu Aruba pa participa na Thailand cu un solo atleta Eddie Richardson, un atleta
cu hopi caliber y potencia y a dedica hopi tempo riba ring cu e grupo 8 luna largo nan a
train hunto 5 biaha pa siman y esaki ta e resultado final ta logra bay cu dos medaya
den dos diferente categoria.
Eddie y su representante pa Aruba R. Boye ta laga un tremendo expresion atras na
Thailandia ora cu e atleta Eddie a sali gana su prome pelea pa e anochi riba Mexico riba
un knockout den prome rond di 18 scd esun di mas rapido di henter e mundial.
E tabata un anochi grandi pa Aruba despues a sigi e resto di peleanan e otro dianan y
por bisa cu e tabata pisa debi di hopi calor y garganta ta seca hopi lihe.
