Page 21 - FDLP

Den futuro mester bay manera e otro paisnan cu tabata eynan un siman prome caba
debi di e calor aki mes pa asina custumbra cu esaki pero Aruba a logra hopi den e 93
pais cu hopi a bay cas sin nada.

Papiando cu shihan Boye cu ta e master di e deporte aki pa Aruba a splica cu semper el
a bisa cu Aruba tin hopi talento den e deporte di arte martial, pero no ta haya e sosten
cu mester pa asina logra mas den esaki.

Esaki ta un lastima grandi pero e semper a kere den nos muchanan Arubiano y atrobe
ta demostra esaki den e mundial aki cu Aruba tin e capacidad y por hopi mas.

Jammer cu e resto di grupo no a logra di bay pasobra e ta sigur cu nos lo logra hopi

mas premio pa Aruba.

Pero e ta contento cu e resultado ganando dos medaya cu un atleta y ganando e
medaya di de king y silver pa Aruba E ta gradici esnan cu a hasi esaki posibel tambe pa

nan a bay cu un refree pasobra e federacion mundial ta exigi esaki di cada pais.

Nan a bay cu e referee cu aña pasa a pasa su examen cu exito referee Devon Hoge cu a
sa di pasa pa un nivel mas halto den refree y a sali e miho refree di e mundial entre tur

e otro paisnan.

Esaki tambe ta otro logro grandi pa Aruba sigur como e refree reconoci pa World Muay
Thai Federetion W.M.T.F. MTKA ta hopi contento cu e logro aki tambe pa Aruba y nan

tin cu bisa tambe cu ta e unico refree reconoci den Caribe cu e nivel aki di mundial.

Aruba a pone y duna hopi respet na Thailand y tabata un honor ora cu master Roony
Boye ta sali como e representante cu mas respet y disciplina escohi pa Thailandes

nan tabata un experiencia hopi grandi pe ora e la tende esaki.

Y e honor mas grandi cu el a haya tabata cu ora e la wordo yama pa e presidente di e
organisacion pa subi y sinta banda di dje riba e tribuna di honor pa asina yuda parti e

premionan cu ta falta pa e anochi final y tambe e tabata un gran honor ora e la haya e
oportunidad di por a comparti esaki hunto cu e Rey di e pais Thailandia riba e tribuna
especial aki.