Page 11 - BNDIA ARUBA

a11
OpiniOn/analisis Diaranson 17 Mei 2017
Skirbi pa Ruthy”Lady Ruth” Vrieswijk-Bergen
Bon dia yen di alegria

ORANJESTAD – Bastante co’i mira, cumpra y haci den nos caya principal den cen-
tro di Oranjestad e Diasabra prome cu e Diadomingo Dia di Mama. Nos dushi hen-
denan dunando un super bon servicio.

Sinta den Pastechi House, nos tawata pensa, cu , nos gusta nos caya principal asina manera e ta
awor, cera , ora tin bunita y dushi musica y actividad, e ta trece mas dushi ambiente y inspira bo
un crenchi mas pa cumpra sikiera algo un caminda, pasobra ta mayoria di e tiendanan tin bon
prijs na e momentonan ey. Kico semper ta impacta mi ora nos drenta La Linda ta, e meneer, su
nomber ta Rolando, bisti super elegante di “top tot teen” cu su pechi cu ta “match” cu su outfit
cu e tin bisti. E ta hopi pero hopi cariñoso y ta saluda bo cu un bon “handshake” yama bo bon
bini na La Linda y ta asisti bo di pone cualkier saco di compras cu bo tin den un di e kashinan,
pa bo tin bo mannan liber pa haci compras ora bo kier pas un paña por ehempel.

Ta un di nos tiendanan cu tambe ta existi pa añanan y añanan caba y keto bay “going strong”,
banda di La Moderna di nos amigo Benjie y su personal simpatico semper cu un sonrisa riba
nan cara. Oh, mi sonrisa riba mi cara ta grandi na e momentonan aki, pasobra, falta apenas
un siman pa mi ta para riba stage den Cas di Cultura pa brinda boso mi “One woman show.”
“Alegria di Ruthy”. Mi no sa fo’i di cabes cuanto carchi tin bendi te awor, pero si, cu mas y mas
nan ta wordo cumpra pa e.o. nos dushi hendenan y tambe companianan cu ta cumpra carchi
pa regala y of rifa entre nan empleadonan fiel cu ta traha duro .Awor tin algun carchi ainda na
Cas di Cultura, Van Dorp y Botica Sta. Anna si mi no tin hera.

Nos a busca nos outfit caba na Aruba Laundry, cu nos ta bisti e prome mita di show, pa despu-
es de pausa sigui luci cu un bisti elegante di La Moderna. Nos ta super excited pa nos presenta-
cion di curason pa curason. Mi ta respeta e artistanan local cu ta organisa nan conciertonan , e
ta tuma berdad curashi y hopi energia. Lamentablemente e concierto di nos bon amigo Edjean
mester a wordo cancela. Tawata tin varios concierto pa Dia di Mama y aunke competencia ta
sano , ta hopi jammer, “Everything happens for a reason” y next time lo ta miho . Nos mes ta
entusiasma, cu pa un sala sold out of mas cu mita yen, nos lo t’ey pa celebra nos 44 añanan den
farandula , pasobra tin biaha berdad no ta e cantidad, pero e calidad di personanan amante di
nos cosnan cultural y di arte. Y Cas di cultura ta gezellig cu su luznan y bon zonido etc.. Por
acerca tambe e directiva di Fundacion Hende Muhe den dificultad pa algun carchi, nan tambe
a resta algun ainda. Oh, pa unicamente afls. 15,- bo ta aporta na un bon causa toch? Bo sa kico
tawata leuk ? Mariachi Perla tambe tawata den caya Diasabra ultimo cu nan serenata pa Ma-
manan y publico cu tawata para of pasa eybanda, dilanti CMB, den nan uniform di mariachi
asina nechi y canta cu asina hopi energia y amor !
Danki un biaha mas na tur esnan cu a cumpra ticketnan di carchi for di Lady Ruth, cu Dios
multiplica e suma 10 biaha pa boso manera ta para den e bijbel. Nos ta cla pa gosa di “Alegria
di Ruthy”! Y abo ? Falta solamente un siman! Diaranson dia 24 di mei nos ta brinda cu Lolea y
celebra nos “One woman show”!
Y si bo bin tempran, ya pa 7.30 pm e power point slide show lo wordo pasa pa bo cuminsa in-
spira! Ruthy ta comparti su bida artistico cu abo cu ta gusta lesa su relatonan, cu abo cu ta gusta
tende su saludo di Bon dia yen di alegria, cu abo cu a cumpra y lesa su bukinan!
Cu abo cu tin un cuadra di dje, cu abo cu a yega di tend’e canta den un of otro festival!
Lady Ruth, un artista multifacetico, auto didactico cu un curason yen di gradicimento y alegria
!!!