Page 14 - HOH
P. 14
Ta wordo cuestiona cuanto placa AZV pero tambe pueblo di Aruba mester gasta pa
tratamento den exterior.
“Mester yega na establece atrobe cuanto pashent cada dokter di cas y cada specialista
tin. No por ta asina cu AZV ta mira su entrada na luga di e meta pa cual e y tur sector
di cuido medico ta existi,” a wordo indica na DIARIO.
E necesidad pa atrae expertonan den ramo di maneho di cuido medico como parti di
Salud Publico, ta wordo confirma den tur informacion cu DIARIO ricibi.
Maneho di Salud Publico ta un specialismo importante cu no ta permiti ningun persona
cu no a studia y gradua den e ramo aki, dicidi riba e necesidadnan di cuido medico na
un pais.
Esaki ta encera cu hasta dokternan di cas y specialista mester sigui estudio di maneho
di cuido medico si nan kier duna guia na Salud Publico.
DIARIO den e dianan aki ta bay sigui amplia riba e situacion di Cuido Medico. Hecho ta
cu e maneho cu a wordo hiba y den cual a fiha atencion riba edificio di hospital y
entrada di AZV no ta adecuado.
Mester bay ekipa Salud Publico awor cu profesionalnan adapta na e necesidadnan nobo
di cuido medico pa evita angustia cerca pueblo pero tambe gastonan enorme cu pais y
poblacion den un intento pa cuida salud di e ser humano na Aruba.
DIARIO ta den contacto cu expertonan internacional riba e tema aki y lo sigui informa
Aruba riba e tema cu mas ta preocupa Arubianonan.
https://www.diario.aw/2019/08/cuido-medico-preocupacion-sobresaliente-na-aruba/
