Page 52 - ATA
P. 52
Barco crucero ta dal den barco
turistico
2 June, 2019
VENECIA, Italia- Un crucero di e compania MSC awe mainta a dal contra di un
barco turistico den e waf di e ciudad Italiano, Venecia y cuater persona a wordo
hospitalisa aunke sin heridanan di gravedad, segun medionan local a informa.
E incidente a tuma luga den e canal di Guideca, ora cu e enorme crucero parce
di a perde control y a dal contra di e muraya di e waf di San Basilio, dañando
esaki, ora cu e tabata den fase di drenta waf. Despues, mientras cu su sirena
tabata sona, el a bay dal contra di un barco turistico cu tabata mara den e
mesun waf, segun bomberonana informa.
Cu cruceronan por pasa via e canal Giudecca, un via importante cu ta conduci
na e Plasa di San Marcos, prome cu miles di turista por baha na e destino
turistico, tabata un punto di discusion pa varios aña caba.
