Page 55 - ATA

E prome evento yama “Meet San Nicolas”, y e ultimo evento yama “Island
Fest”…tur dos a nace for di caminda Carubbian a termina, pero nan meta toch
ta diferente.

Meet San Nicolas a nace dor di e deseo di ciudadanonan di Pariba pa yena e
bashi cu Carubbian a laga atras. A trece e concepto bek pero remixed pa por fit
den un budget mas humilde, asina por ehempel Dj’s conoci a percura pa un bon
repertorio di muziek.
Meet San Nicolas a focus ariba (1) expone e cultura caribense di Aruba, por a
scucha esaki den e muziek, y (2) a traha cu food vendors di Pariba pa asina
brinda un oportunidad na e ciudadanonan di pariba di nos isla.

Ambos evento tabata tin bendedornan di cuminda y bebida ofreciendo un
variedad hopi diferente y stima pa nos hendenan, arte y artesania, y sin laga
afo e bailarinanan luhoso y bunita pa pone e cherry riba e bolo.

Island Fest a pone e punt tras di e periodo di Carubbian y a hiba e concepto
nacional. Island Fest lo hiba e concepto di trece nos bishitantenan y localnan
hunto na un encuentro cultural na diferente districto di Aruba, asina exponiendo
e diferente sabornan di nos cultura pa un y tur por disfruta di dje.

Carubbian tabata un evento cultural cu semanalmente tabata trece bida den e
cayanan silencioso di San Nicolas. Awo nos tin un Island Fest cu ta e ultimo
diaranson di tur luna y un Meet San Nicolas cu ta e prome diahuebs di cada
luna, esey kiermen cu dos biaha pa luna San Nicolas su cayanan ta yena cu
bida.
Meet San Nicolas tin e deseo pa pone un actividad mas pa luna den cayanan di
San Nicolas pero lo mira prome si di berdad tin demanda pa esaki, y Island Fest
na aña 2020 lo pone un actividad mas pa luna na diferente districto ariba nos
isla.

Por ultimo mi kier a gradici organisadornan di ambos evento y minister di
turismo (y staff) pa acepta mi criticanan constructivo y feedback durante e
ultimo aña. Tabata dificil pa mira tempo bay sin nos actividad
internacionalmente exitoso di pariba y mas dificil ainda pa scucha di
conceptonan cu no lo a trece e mesun exito pariba di nos isla. Pero na final di
dia hunto a sa di crea dos actividad cu por yena tur hende cu orguyo.
Dia seis (6) di juni ta e proximo Meet San Nicolas, di awo mi ta invita henter
pueblo di Aruba pa bin disfruta di bon musica y cuminda, y yena e cayanan di
San Nicolas un bes mas.

https://masnoticia.com/curtis-fraser-por-started-at-carubbian-now-we-here/