Page 47 - KPA 28 JAN 2017

Blacky e Ex Roadmarch King‎ ta sera pa violencia
domestico

Friday, 27 January 2017 15:12
Comparti

E conocido integrante di musica di carnival Blacky, ta deteni e momentonan aki. E ta wordo
sospecha di maltrato contra su pareha.

E muhe a entrega keho contra dje. No ta prome biaha cu Marvin Baptiste ta comete e maltrato
contra su pareha segun fuentenan Policial. E biaha aki e muhe a entrega keho y cu tur consecuencia
pa e homber. E muhe a bin cu prueba di e golpinan y autoridad cu a atende a tene cuenta cu
esakinan. Despues di tuma e declaracion of keho di e muhe, a yama Marvin Baptiste conoci como
Blacky aden. Na warda a atende cune y recherche cu subfiscal a dicidi di detene. Diahuebs el a wordo
presenta dilanti fiscal na Ministerio Publico.

Eynan Blacky a roga e fiscal cu a atende su caso pa porfabor dune su libertad. Kizas e ta den e fiebre
di carnaval y esaki ta su temporada. Esey nifica cu tras di trali e reputacion ta bay te na vloer. Ni
Maske el a roga e fiscal, tog a dicidi cu e ta keda sera. A prolonga e detencion cu ocho dia mas.
Despues di esaki lo bolbe dicidi si e lo keda sera mas largo. Violencia domestico ta algo cu fiscalnan
ta tene masha na cuenta. Den e caso aki un fiscal femenino a atende cu e caso y dicidi di prolonga e
detencion di Blacky