Page 66 - MIN ECEM

Sanin Daou di Arubus: Mas tarda cu e problema di taxistana
pirata, mas e ta perhudica tur hende

Tuesday, 31 January 2017 17:02
Comparti

Oranjestad-Noord ta un di e rutanan mas conoci pa transporte publico. E kehonan di pirata cu ta core
dilanti di e busnan, sea Arubus of dilanti di e autobusnan cu tin riba cierto ruta tey keto bay. E ta
preocupante pasobra nan ta core net dilanti di bus, ora cu e clientenan ta warda y nan ta piki hende bay
cun'e.

Es mas cu e hendenan ta subi cu e piratanan. Segun Sanin Daou, kende ta vocero di Arubus, a splica cu
ultimamente ta hayando hopi problema cu esaki. Mirando e aña cu a pasa, nan a perde hopi pasahero pa
e mesun causa aki. Ta haciendo hopi estudio y ta papiando cu hopi hende. E mesun hendenan di Arubus
ta controlando riba e rutanan y ta mira esaki ta pasa tur dia. Ta haya autonan cu number A of busnan cu
number a, cu ta pasa piki hende y nan ta hiba nan destinonan. Hasta tin cu bisa cu nan ta abusa den
prijs, pasobra nan ta cobra kico cu ta, pasobra nan no ta wanta nan mes na ningun tipo di regla. Daou ta
sigur, mescos cu Arubus ta sufriendo cu esaki, hasta e busnan chikito tambe ta bezig ta sufriendo cu
esaki. A saca hopi potret. Ta manda esakinan ta pa DTP y tambe e director di Arubus ta bezig ta manda
emailnan bay bin cu DTP. ta purbando tur manera pa ataca esaki na un manera mas pronto posibel.
Pasobra mas tarda cu esaki, mas e ta perhudica tur hende. E ta algo cu ta sumamente alarmante. Tin cu
bisa cu mescos cu y e demasnan pa tin rijvergunning, pa transporta hende, mester tin seguro, mester tin
tur tipo di cos na nan luga y e tipo di casonan aki, caminda nan ta core pirata, nan no tin nada regla.
Fuera cu nan ta kita hende for di Arubus, nan ta treciendo un peliger na tur esnan cu ta uzando e modo
di transporte aki. Pasobra cu mester corda cu nan no tin nada cubri. Si algo pasabo, mientras cu bo ta un
di nan, no tin ningun caminda cu por reclama nada. Tin diferente situacion cu ta alarmante fuera cu e ta
peligroso y e ta strobando transporte publico. Arubus ta pidi pa algo wordo haci y di parti di Arubus ta
purbando. Ta mira e situacion aki tur dia. Chauffeurnan di bus y Arubus tambe tin e busnan chikito cu ta
core pa nan. Tur dia nan ta yama y manda potret, cual ta cosnan cu ta mira tur dia riba caya. Ta pidi sigur
un atencion riba esaki pasobra e ta hopi alarmante.