Page 67 - MIN ECEM

Ulises Maduro: Nos mester desvia di nos vergunning pa por
competi cu piratanan cu ta core tur ruta y kita nos clientenan

Tuesday, 31 January 2017 17:01
Comparti

Segun Ulises Maduro cu ta chauffeur di autobus, e ruta cu el a haya for di minister di transporte ta cu e
tin cu sali for di Oranjestad, bay Noord, kibra bay den Montaña, djey bay Calabas, Jaburibari, Paradera,
bay Tanki Leendert, Solito, despues Oranjestad. E clientenan cu ta haya eynan, ningun ta pidi pa yega na
Jaburibari, etc.

Ta de bes en cuando ta haya un hende y bisa pa bay Paradera y cu mil amor e ta hib'e. Tur hende cu ta
sali for di Oranjestad, tur ta pidi pa sali for di e post na Playa pa hiba nan hotel of Noord of Tierra del Sol
of otro. Loke e cliente ta pidi e chauffeur ta cumpli cun'e, pasobra e tambe tin cu gana su cen. Ruta di
hotel Riba vergunning, Maduro a splica cu e no mag di yega eynan. Un cliente bin puntr'e si por bah'e na
su trabao, e ta haci'e, pasobra e tambe mester su pan. Asina e ta wak'e. Si e no hiba nan, e pirata si ta hiba
nan. Asina tin cu wak'e. Mainta ta yega na e post, tin mas cu 10 pirata ta bin di tribi para eynan, caminda
e autobusnan ta para, tira algun pito, bay cu e clientenan. E hendenan ta gewoon subi, pasobra nan si ta
wordo hiba directamente na nan trabao. Kico e autobusnan tin cu haci, Maduro a splica cu e ta haya su
mes ta sali for di su ruta pa e por gana su cen pa e por sobrebibi. Tarifa Autobusnan ta cobra 3 florin
segun ley.

E piratanan ta cobra entre 5 y 10 florin. Toch e hendenan ta pag'e. Ora nan wak cu ta dal un buelta y bin
bek y e pirata no tey, of e pirata no a bin busca e clientenan, automaticamente esun cu tabata warda e
pirata yega, ta subi den bus, no por cobranan e tarifanan eynan. E tin cu cobranan 3 florin, loke ley ta
pone pa cobra e pasaheronan. Reunion cu autoridad Maduro a splica un reunion cu autoridad, Gobierno,
DTP, etc. ta na su luga. Si nan por controla e autobusnan, dicon nan no por controla e taxistanan pirata.
Si yega eynan, nan ta haya hopi auto pirata. E taxistanan pirata ta haci un seña na e pasahero, y nan sa
caba ki auto nan tin cu subi. Nan ta bahanan sea dilanti nan trabao of nan cas. Maduro a splica cu si e
haci esey, y DTP haya sa di esaki, e ta haya un warning of hasta su vergunning por wordo kita, y e no kier
esey.