Page 24 - MIN ON 3 APRIL 2017

di Hunta di Supervision di SMOA, kende a wordo apunta dor di Bisdom den pasado.E
mandatario ta pidi pa retiro di inmediato di sr. Bart Kool mirando e falta di confiansa
como tambe a base di e hecho cu sr. Bart Kool a pasa su termino stipula p’e statutonan
como miembro di SMOA.Aunke Ministerio di Enseñansa no a ricibi confirmacion
oficial, mientrastanto por a tuma nota den medionan di prensa cu sr. Bart Kool a anuncia
su retiro como Presidente di SMOA. Minister Hooyboer-Winklaar ta indica cu otro siman
lo tene un reunion cu Obispado y OCCA pa discuti e futuro di SMOA y Colegio Aruba.E
mandatario ta enfatisa cu hunto mester yega na un structura cu ta refleha e interes general
y ta conta cu sosten di tur e stakeholders cu ta envolvi.

Ministerio Di Enseñansa Hunto Cu Fundacion

Autismo Aruba Ta Organisando Tayer Di Autismo

 Local
- 02/04/2017

Pa tur actor den enseñansa cu ta traha cu nos alumnonan

Luna di april ta luna internacional di conscientisacion riba Autismo y na Aruba tambe nos
ta para keto n’esaki.
Autismo of e spectrum di desorden autistico (Autisme Spectrum Stoornis) ta un reto
grandi pa alumnonan escolar, pero tambe pa docentenan. Un alumno cu tin autismo ta
procesa informacion na un manera diferente cu un alumno cu no tin autismo.E ta
comunica na un manera diferente y e tin dificultad cu interaccion social y pa sera relacion
cu otro mucha di su edad.P’e mucha aki ta dificil pa adapta na cambionan, na
situacionnan imprevisto y no planea, loke por haci’e dificil pe p’e funciona den klas y na
scol.Esaki ta algun caracteristica di autismo. Mucha y personanan autista, sin importa e
intensidad di e desorden neurologico, ta funciona miho ora e ambiente ta hopi
structura.Desde su inicio Fundacion Autismo Aruba ta traha duro pa crea
conscientisacion y pa logra cu muchanan bibando cu autismo haya e mesun
oportunidadnan den bida cu tur otro mucha. Tambe den enseñansa, Ministerio di
Enseñansa bou maneho di Minister Michelle Hooyboer-Winklaar a reconoce e necesidad
pa yuda maestronan y tur otro partner envolvi haña e herment necesario pa sigura y eleva
e calidad di enseñansa y cuido cu muchanan bibando cu autismo tin derecho di ricibi.P’e