Page 27 - KPA

Ora cu patruya di Santa Cruz a yega Paradera na e skol, nan ta wak e homber
aki drumi e entrada di Misa Santa Filomena. Polis mes ora a bay atende cune,
pero e homber a reacciona agresivo y a cuminsa grita cu e no tin cedula y insulta
polis.

Polis cu despues a bay pa detene mirando cu si e keda e lo bay causa mas
problema, pero aki ta caminda cu e homber a core drenta e skol, e tawata na
grito y te hasta drenta klasnan caminda muchanan tawata hopi spanta y tin te
hasta tawata jorando.

E miedo cu polis tawata tin ta pa e no haci un criatura daño. Un ciudadano
tambe a yuda polis pa gara e homber y wante pa asina pone den boei. A pidi un
otro patruya mas pa yega y asina transporte pa warda.

Momento cu e homber ta den boei y transporta pa warda

Segun nos por compronde, e homber aki cu ta conoci den Paradera no ta bon
mentalmente y parse cu algun dia prome ya e tawata causa molester na e
muchanan, parse door di haci cosnan menos bunita.

Ta bon pa instancianan concerni tuma e caso aki hopi na serio y pone e homber
aki un caminda. Door di su enfermedad mental bo no por premira kiko e lo por
bay haci next.

HOMBER CONOCI DI POLIS DETENI DEN

ORANAN DI MARDUGA, HAYA CU

PIEZANAN HORTA DI AUTO

May 24, 2017 Admin Uncategorized Leave a comment

Pedro Gallegostraat – Diaranson marduga den careda di 1:20, ora polis a caba
den Avenida Milo Croes y a pasando altura di un negoshi altura di Dakota
Shopping Paradise, a tuma nota di un Nissan Sentra.

Tawata trata di un Nissan Sentra color blanco, caminda manera a mira auto di
polis a baha core bay. Esaki tawata den e Pedro Gallegostraat.
Un agente mes ora a sali bay tras di e homber na pia.