Page 29 - KPA

ORANJESTAD, Aruba: Dialuna pa 6:22 pm e manager di Kevin Jewelers a para
un patruya di Polis pasando den Havenstraat bisando cu un nan a bira victima di
un atraco arma. Tres hende homber, sin cara tapa, cu ta papia Spaño, a drenta e
luga, saca arma pone na nan cabes y despues mara nan.

E atracadonan tabata bisti cu jeans blauw cla, camisa blauw cla manga largo y
pechi preto cu blanco. E otro bisti cu un jeans scur, flanel blauw scur, keds preto
y e di tres bisti cu carson largo preto, T-shirt shinishi y cu pechi blanco.

E atracadonan a horta hopi joyas. Te ainda no a conta e balor total. No obstante
tur accion di buskeda di Polis, ainda no a logra topa cu e sospechosonan. P’esey
ta haci un apelacion riba henter comunidad, pa esun cu por a mira algo, of cu sa
mas, of cu sa di unda nan por ta scondi, pa yama Polis mesora.

Tambe por duna un tip anonimo via tipline 11141. Autoridad semper a conta riba
e sosten y cooperacion di comunidad, pues ta spera cu e biaha aki tambe, hunto,
ta logra soluciona e caso aki di atraco.