Page 38 - AVP
P. 38
ORANJESTAD (AAN) — E problemanan serio cu negoshinan chikito ta enfrenta na
diferente ocasion a wordo treci dilanti dor di DIARIO compaña pa pruebanan
documenta.
A keda demostra con for di 2014 Gobierno Mike Eman tabata na haltura cu nan
gobierno tabata crea un crisis serio pa negoshinan chikito na Aruba. No a tuma e
pasonan cu mester a tuma y Gobierno di Mike Eman a bay sconde tras di e proyecto
Citgo cu a pesar di tur riesgo conoci, nan a propaga como e gran salbado di Aruba.
Comercio chikito di Aruba ta confronta un fin di luna Juli 2019 sumamente preocupante.
“Na 2009 negoshinan chikito na Aruba tambe tabata parti di e grupo grandi cu e kere
cu AVP a studia e materia di BBO bon y tabata tin un plan concreto pa aumenta benta
na Aruba dor di baha BBO. Nos no tabata sa cu ta un wega politico tabata hunga cu
henter Aruba y cu for di e momento gobierno Eman a habri porta pa abuso di fondonan
di Aruba,” a wordo splica.
A indica cu ta wega politico gobierno Mike Eman a hunga. “Na 2014 comercio ya a
mustra Mike Eman riba problemanan serio na Aruba. E ora a yega na un acuerdo
descabeya y contra interes di Aruba y pueblo di Aruba den cual atrobe a practica
mentira y a kibra advertencianan cu a wordo lansa den Reino, na nivel internacional y
local. Un mucha chikito por a comprende kico ta pasa,” a wordo mustra.
Na 2014 mester a diversifica economia cu yudansa di negoshi chikito, cu a bira victima
di e proyecto fracasa di Citgo, cu a trece mas competencia stranhero pa comercio local,
cu a cuminsa prepara pa e crecemento economico cu gobierno Mike Eman a priminti cu
Citgo, cu no tabata tin placa ni pa su mes.
“Abuso a wordo haci di Aruba, cu awor mester paga e debe nacional y interes cu
gobierno Mike Eman a laga atras pero tambe biba cu e resultadonan di un mal
planificacion di economia, cu ta destrui comerciantenan chikito,” a wordo mustra.
Sin un economia cu ta genera entrada despues di e fracaso total di Citgo y e problema
regional, awe comerciantenan chikito mester paga pa tur e gastonan adicional cu e
crisis a trece.
