Page 39 - AVP

“Si bo no paga belasting tal fecha, bo ta haya multa. Si bo no paga AZV na tempo bo
ta haya multa bo ta keda atrasa cu huur, otro contractonan y tur e otro pagonan cu
mester wordo haci. Pero no tin e entrada pa paga pasobra henter pueblo ta den
problema,” a wordo mustra.

“Un negoshi cu ta bende 27 mil florin pa luna, su gasto di pago hunto cu salario pa luna
ta 39 mil florin. E doño di e negoshi a haci inversion pero no ta mira oportunidad pa e
saca su placa for di negoshi, cu ta sigui bay malo,” a splica.

For di 2014 a pidi Gobierno Mike Eman pa actua contra e competencia di entre otro
online y ilegal. Nada a pasa. E negoshinan na Aruba por a sobrevivi, informantenan a
mustra.

“Nos ta papia cu gobierno actual cu tabata tin como prome trabou pa atende cu e crisis
financiero cu el a hereda. Awor e ta enfrenta cu e berdad di Citgo cu ta otro prueba di e
fayo di gobierno Eman cu a percura pa mas monsternan grandi habri y mas negoshi

chikito cera,” a wordo splica.

Actualmente e situacion ta critica. Beslag tras di beslag ta cay den seno di negoshinan
chikito cu ta sinti cu nan a bira victima directo di gobierno Mike Eman.

Comerciantenan chikito ta spera cu gobierno actual por haci algo y crea incentivonan
realistico pa e parti di personal cu ta cumpli cu nan trabou y atende cu e falta di
produccion cerca e parti cu ta stroba e negoshi pero ta pone e pan di otro trahadonan

tambe na peliger.

https://www.diario.aw/2019/07/gobierno-mike-eman-a-destrui-negoshi-chikito-aruba/