Page 12 - CMB
P. 12
Parlamentario Richard Arends: Desaroyo di
inflacion awe ta mescos cu ora a introduci BBO
August 29, 2018
Den varios ocasion Parlamentario Richard Arends pa fraccion di AVP a bin ta adverti cu introduccion di un
crisisheffing den un periodo di poco crecemento economico, combina cu aumento di prijs di energia, ta receta
pa un ‘perfect storm’.
Ta e mesun factornan cu e conduci na un tasa di inflacion riba 10% ora a introduci BBO mas cu 10 aña pasa. E
parlamentario a subraya presencia di e mesun factornan aki na aña 2018 y ta anticipa riba un tasa di inflacion
hopi eleva.
No ta desconoci cu e gastonan di Gobierno a aumenta excesivamente. Esaki ta wordo financia parcialmente
door di ‘coalitieheffing’ cu a wordo introduci.
“Nos a tuma nota di e publicacionnan reciente di Oficina Central di Estadistica, unda cu ta mustra cu e prijs di
productonan, e indice di consumo di prijs a aumenta caba,” segun Parlamentario Richard Arends.
