Page 51 - MIN.ON

Mayornan di alumnonan di Colegio Arubano ta ricibi rapport e siman aki
12 December, 2016
0

Manera cu a invita mayornan desde algun dia pasa caba via email, e siman aki
mayornan di studiantenan na Colegio Arubano ta bon bini pa ricibi e rapport

cerca e Mentor di nan yiu. E mentor ta dedica extra tempo pa combersa cu e
mayornan di e alumnonan cu tin mal resultado. Tambe lo presenta e plan di
enfoke cu a bini dilanti durante e ‘rapportvergadering’ entre e docentenan, e

mentor y miembro di Rectorado.

Ta bon pa enfatisa cu mayornan regularmente tin oportunidad pa topa

docentenan di Colegio Arubano. Den luna di september, na comienso di cada
aña escolar, Colegio Arubano ta habri su portanan pa ricibi mayornan di tur

alumno, den un “anochi di introduccion”. Durante e anochi aki e mayornan ta
cera conoci cu e mentor di nan yiu. E mayornan ta haya informacion necesario

tocante e dinamica di e klas di su yiu y e reglanan nobo di scol.