Page 12 - BNDIA ARUBA

a12 riba caya
Diaranson 14 augustus 2019

Homber cansa a drumi bou di auto na Westpunt

WESTPUNT - Riba e caminda di Westpunt den e bi-
rada skerpi pariba di Tiera del Sol, algun automobilista
a topa cu un Suzuki Ignis geel banda di caminda y bou
di dje tabata tin un homber drumi.

Nan a bay wak kico por a pasa y e homber a lanta di biaha y
bay den su auto, pero e tabata basta bebi y e personanan a core
kita e yabi for di dje, paso ya e tabata cla pa start e auto bay.
Polis a yega na e sitio y atende cu e homber, pero e no sa ni
unda e ta y e tabata basta leu for di cas. Dog catcher a presenta
y bay cune.

Bureau City Inspector a ruim op e plein grandi den centro di Oranjestad

ORANJESTAD - Den centro di Oranjestad despues
di varios siman BCI a logra convence e doñonan pa
ruim op varios bus, ekipo, trailer, boto y autonan
bieu cu tawata para pa hopi tempo riba e plein
grandi memey di Chopinstraat/Beethovenstraat/
Schubertstraat y Brahmstraat.
Nos tawata haya varios reclamo di habitantenan den
vecindario cu muchanan di scol y adictonan ambulante
tawata bay uza droga scondi den algun di e busnan aki. E
tereno aki ta pertenece na Land Aruba. Ainda falta 3 bus
pa wordo kita, pero e doño ta bezig ta kitando esakinan.
Danki pe cooperacion di e doñonan y ta spera cu e plein
aki lo ser mantene limpi tambe.