Page 17 - BNDIA ARUBA

A17
HENDE Diaranson 19 september 2018

Tempo Aruba celebrando 25 aña di existencia ta honra

25 Top uitzendkrachten

ORANJESTAD– Siman pasa, Tempo den
cuadro di celebracion di su 25 aña di exis-
tencia a organisa un anochi special na Carib-
bean Cinemas y a honra 25 uitzendkrachten
ehemplar cu mas a destaca durante aña 2018.

Den un esfera di pelicula a entretene su invita-
donan cu dushi snacks, popcorn y bebida y a haci
uzo di e oportunidad special aki pa lansa su prome
spot comercial cu un mensahe positivo. E spot lo
wordo transmiti proximamente na e cinema.
E mensahe tras di e comercial aki ta mustra e
alegria di un persona ora di haya un trabou y na
mesun momento ta refleha cu si e trahado ta con-
tento, Tempo ta contento, cu e lema ‘you smile,
we smile’.
Durante e anochi, Tempo a gradici tur invitado
pa nan presencia y specialmente su 25 Top traha-
donan pa nan bon trabou, dedicacion y persever-
ancia y a haci entrega di un regalito como recuerdo
di ta parti di 25 aña di exito.
Tempo lo continua brindando su bon servicio na
tur su trahadonan y tur otro cu ta aplica pa un
trabao.Riba pagina di Facebook di Tempo por ser
conoci cu e 25 Top uitzendkrachten cu a wordo
reconoci y mas potret di e anochi aki.