Page 15 - BNDIA ARUBA
P. 15
A15
HENDE Diaranson 19 september 2018
Fundacionnan local pa beneficio di bestia a participa den ‘dog yoga’
ORANJESTAD – Luna Foundation hunto cu Animal
Relief Foundation Aruba a keda invita pa participa den
un actividad original: yoga cu cacho.
Segun e fundacion, tabata un experiencia ‘relahante’ pa wak con
e instructor di yoga tabata trata cu e cachonan. Tambe e actividad
a hala atencion di varios turista, mirando cu e ta algo poco comun.
Na e mesun momento, e fundacionnan a tuma un momento
pa educa esunnan presente. A splica kico e fundacionnan ta
para p’e, y tambe con por yuda pa nan por sigui cu nan trabou
pa bienestar di bestia na Aruba.
“Tabata un experiencia bunita”, segun representantenan di
Luna Foundation riba Facebook. “E participantenan a disfruta
di esaki, y e cachonan a keda hopi relaha despues di e les.”
E fundacionnan ta gradici Topfit Aruba y Hilton Hotel Aruba
cu a haci e actividad aki posibel.
