Page 109 - AHATA

ORANJESTAD (AAN): Un grupo di taxistanan a yama un rueda di prensa diahuebs pa
trece algun punto dilanti. Linda Orman, vocero di e taxistanan a indica cu nan a keda

cla cu nan prijs list.

Nan ta activo trahando como taxista pero den background nan ta bezig acumulando
informacion y wak kico ta e problemanan cu ta existi y cu por ta biniendo.

Na April, a manda un carta pa Minister Bikker unda ta pidi pa ta mas honesto den loke
ta transporte publico y un areglo mas adecua pa busca y hiba e pasaheronan den area
di hotel y Oranjestad.

El a referi tambe na e Landsbesluit, articulo 8 pa e personanan cu ta wordo transporta y
cu ta haci daño na e interior of exterior di e auto, pa tin ancra den ley algo concreto pa
loke ta e responsabilidad pa e daño cu nan ta haci, Orman a splica.

Despues di varios yamada y intento, a bisa, el a haya e number di e bureau di Minister
y nada. Ora cu el a logra comunica pa medio di Bestuurskantoor, el a haya sa cu tin un
carta pa nan for di e luna di April.

Despues cu mester a bolbe splica tur e puntonan un biaha mas na Juni, e contesta
trabata for di persona encarga cu ta bay sinta cu, Minister, Polis y otro
departamentonan concerni manera DOW, etc.

A warda te diahuebs y nada. E ta cuestiona cu tin 5 luna cu a pasa y cu te ainda no por
a atende ni un yamada, ni un reunion pa sinta. E minister sa di antemano cu tin tres
punto pa atende. No ta un sorpresa di kico ta bay papia. “E incomunicacion aki ta

increibel cu e ta sosodiendo y e ta bay sigui sosode”, Linda Orman a manifesta.