Page 110 - AHATA

El a agrega cu tampoco a logra haya comunicacion cu Minister Romero. Dia 2 di Juli a
manda un carta y te dia di awe no por a haya afspraak.

Cu Minister Romero ta bay trata e asunto di DTP, maneho y administracion di DTP y

areglo di AZV cu ta causando un problema pa esnan cu tin vergunning.

Orman a bisa cu el a papia cu Sr. Lacle y el a priminti di pasa nan carta pa e persona cu
ta maneha e agenda. Pero te ainda e pasamento di carta di un bureau pa otro no a

sosode.

E ta compronde e drukte, pero di Juli pa awor a pasa varios luna y esey tambe ta
inaceptabel.

Den nan opinion, ta neglishando varios instancia ya cu e mandatarionan no kier sali
dilanti. E taxistanan den e caso aki ta dispuesto pa sinta na mesa y confronta e
problemanan y bin cu solucionnan, pero nan ta wak cu no tin ningun interes di parti di e

gobernantenan, a remarca.

Por ehempel, tin ilegalidad den transporte publico y esey no ta di awor. For di basta aña
tin problema cu transporte ilegal. Gobernantenan sa y nan no ta tackle e problema

tampoco, a bisa.

A agrega cu den 18 aña cu e tin como taxista, ningun gobernante a zorg pa tin DTP ‘up-
to-date’ y atende cu e falta di personal.

Taxistanan di awor pa dilanti kier reuni y kier mira decisionnan ta wordo tuma.

E siguiente paso awor lo ta acerca Prome Minister. Nan lo cuminza yama pa pidi un

reunion, a indica.

https://www.diario.aw/2019/09/taxistanan-tambe-ta-fada-di-warda-solucion-di-parti-di-gobierno/