Page 14 - AWEMAINTA

14 AWEMainta Diamars, 22 Januari 2019

Minister Dangui Oduber cu

donacion di airco na scol basico

Laura Wernet-Paskel

DIALUNA mainta Minister di Turismo, Salubridad Publico
y Deporte sr. Dangui Oduber hunto cu coleganan di partido

Parlamentarionan Edgard Vrolijk y Hendrik Tevreden a haci un

bishita na scol basico Laura Wernet-Paskel na Kadushi Largo.
E mandatario a bay personalmente n’e scol pa comparti e bon

noticia cu lo bay haci un donacion di airco pa henter e scol.

Minister Dangui Oduber a pasa klas pa klas dunando asina e

bon noticia na cada maestro y nan alumnonan. E noticia ta
uno hopi bunita y por a wak e sonrisa riba e muchanan nan

cara ora e Minister a duna e noticia cu pa fin di maart e air-

conan lo ta un realidad.
Nos ta biba riba un isla unda ta haci hopi calor y pesey airco

ta un necesidad segun e mandatario.

Awendia airco no ta un luho mas sino un necesidad. E Minis-

ter a gradici coleganan Vrolijk y Tevreden kendenan a cuminsa
e iniciativa pa pone airco na tur scol na Aruba, e biaha aki ta

toca scol Laura Wernet-Paskel. E scol aki ta conta cu un can-

tidad di 207 mucha reparti entre 12 klas. Tambe nan ta den
proceso pa implementa mas klas cu e sistema IPIVO.

Nos muchanan t’e futuro di mañan y por conta cu sosten di e

Gobierno aki pa forma parti di nan desaroyo.