Page 21 - AWEMAINTA
P. 21
Diamars, 22 Januari 2019 AWEMainta 21
Ganadornan di Campaña di Fin di Aña 2018 anuncia!
MESCOS cu e ultimo 5 añanan, durante un ceremonia
festivo Kooyman a anuncia e ganadornan di Campaña di Fin
di Aña. E vakatie na Santa Domingo cu tur gasto inclui, un
Bose Sound System y un Kooyman Gift Card di 250 florin a
ser gana dor di Domingo Martinez, Juliana Geerman y Bruno
Werleman.
Di curason Kooyman ta yama nan pabien y ta desea cu nan lo
gosa hopi di e premionan cu nan a gana.
“A bira un tradicion pa sera aña na un manera festivo cu nos
campaña di fin di aña y gradici tur nos clientenan pa nan
confiansa y lealdat”, segun Herbert van der Woude, CEO di
Kooyman. “For di fin di november cada cliente a ricibi lot na
compra di 75,- florin of mas, cu ta dun’e chens pa gana un di
e tres premionan fantastico.
Hopi cliente a participa. E campaña di fin di aña a tuma lugar
n’e filialnan di Kooyman na Bonaire, Curaçao y St. Maarten
tambe, cada isla cu su propio ganadornan.”
“Gustosamente nos lo kier gradici tur cliente p’e confiansa cu
nan a duna nos empresa. Nos ta anhela yegada di 2019, den
cua nos lo ta cla para atrobe pa sirbi tur hende mihor cu ta
posibel. Nos ta desea tur habitante di Aruba un bon 2019.”
