Page 66 - MIN ARENDS JAN 10

Parlamento presente na entiero di Lio Capriles

Monday, 09 January 2017 20:49
Comparti

Probechando cu nan tabata na Corsou, parlamentarionan cu a bin na reunion di Ipko, a bay na entiero di Lio
Capriles. Presidente di Parlamento, Mervin Wyatt-Ras, ta extende palabranan di condolencia na famianan, tur yiu di
Capriles. E tabata un personahe hopi stima den comunidad.

E tabata un comerciante, pero el a contribui hopi den nos comunidad. Wyatt-Ras a comenta cu e tabata mande nota
ora cu tin algo den Parlamento y den henter su carera como politico. Semper tambe na un manera neutral. E
feedback tabata positivo y negativo cu e intencion pa mehora. Esey Wyatt-Ras ta aprecia y ta keda aprecia semper y
ta desea esnan cu el a contribui na nan y tur su famianan hopi forsa pa a acepta esaki. E ta un parti di nos bida. Bo ta
bin, bo ta contribui y bo ta bay sosega. Cu sr. Capriles sosega den reino di señor. Esaki ta di parti di Parlamento di
Aruba, kendenan ta participanto na reunion di Ipko y a dicidi pa bin rindi e ultimo homenahe na sr. Capriles.