Page 68 - MIN ARENDS JAN 10

Prome Minister Mike Eman hunto cu su esposa cu coleganan
minister y amistadnan a tuma despedida di Lio Capriles

Monday, 09 January 2017 19:57
Comparti

Prome Minister Mike Eman, hunto cu su casa, y varios colega tabata tey presente na despedida di sr. Lio Capriles. E
ta un personahe sumamente special, segun prome minister.

Tabata un persona cu no solamente a mustra liderasgo pa guia e banconan cu tabata cay bao di su responsabilidad cu
exitonan hopi grandi cu a crece bira e banconan di mas grandi cu tin riba nos islanan, pero tambe un persona cu
semper tabata tin hopi atencion pa e desaroyo general di nos islanan. Semper sr. Lio Capriles tabata tin
pensamentonan riba desaroyo di nos islanan, kico miho por haci y tabata hopi franco den expresa ideanan y durante
ultimo añanan a cera un amistad grandi, pasobra semper tabata manda un notificacion chikito riba cosnan bon cu
tabata sosode. E tabata sigui Aruba hopi di cerca. Ora cu a logra trece KLM bek, el a manda un notificacion, hopi
pabien. Ora cu a logra pa pone e desaroyo di Aruba. E ta skirbi notanan personal. Door di su atencion tambe a cera
un amistad grandi y cada biaha cu tabata bay Corsou, ta purba di haci un bishita cerca dje. Prome na e banco, pero
ultimo biahanan na cas. A sinta diferente biaha cun'e. Ultimo biaha cu colega Benny Sevinger y esposa di prome
minister, a sinta den su cas, y a repasa cosnan cu e tabata puntra prome minister. E tabata tin hopi admiracion pa e
manera cu Aruba ta bay padilanti. Con Aruba riba su propio forsa ta carga e desaroyo. Semper e tabata duna
palabranan di empuhe pa sigui den e direccion aki.

Hopi cariño personal tambe. Semper e ta puntra pa bida personal. E ta puntra pa famia. E tabata tin hopi aprecio y
respet tambe pa ruman di Prome Minister, ex prome Minister Henny Eman, cual e tabata tin aprecio tambe. Asina
sr. Lio Capriles a haci su bida toch parti di e bida di hente nos comunidad. Pa perde un persona asina, ta perde parti
di e comunidad y a sinti'e te na Aruba. Apesar cu e ultimo biaha cu a bishita algun luna pasa, su salud tabata fragil
caba, pero ta keda cu e speransa cu un persona por keda mas largo cu nos. Nos Creador a yam'e y awe nan tabata tey
pa duna e ultimo respet tambe na e persona aki.