Page 24 - MIN VOS - MARCH 25

28 AWEMainta Diasabra, 25 Maart 2017

Kiwanis Club of Palm Beach tambe ta yuda

Hammersharks cu nan Batting Cage

DIARANSON siman pasa na veld di Calabas, Kiwanis Club of
Palm Beach cu orguyo tambe a yuda e organisacion di Hammer-
sharks cu ta practica baseball cu nan batting cage nobo.
Kiwanis Club of Palm Beach hunto cu Hammersharks tin un part-
nership di varios aña caba y e biaha aki a dicidi di aporta pa yuda
Hammershark yega na un batting cage.

Naturalmente, pa yega na un batting cage mester tin mas partners
involvi p’asina por realisa e soño di Hammersharks. E partnersnan
den e caso aki ta Fundacion Lotto pa Deporte, ATCO, y Gobierno
di Aruba. E caranan contento di muchanan cu ta practica e dushi
deporte di baseball ta bisa tur cos. Kiwanis Club of Palm Beach
tambe ta kere den partnerships pasobra e ora bo ta logra mucho
mas hunto compara cu ora bo ta traha bo so.

Pa varios proyectonan, e club ta traha den partnerships y ta mira
e beneficio. Kiwanis Club of Palm Beach ta duna e organisacion di
Hammershark un gran pabien y e club ta kere den deporte espe-
cialmente den muchanan. Hammershark tin ongeveer 50 mucha
cu ta practica e deporte cu ta cuminsa desde nan 5 aña y aworaki
nan ta bay te 12 aña.

Kiwanis Club of Palm Beach Aruba ta forma parti di Kiwanis Inter-
national, un organisacion mundial di boluntario dedica na cambia
mundo, cuminsando na un comunidad y un mucha.
Nos ta un organisacion den crecemento, dedica na yuda muchanan
di mundo henter hisando nan calidad di bida.

Pa mas information di Kiwanis Club of Palm Beach bishita nos
webpage na www.kiwanisclubpalmbeach.com of nos Facebook fan
page na https://www.facebook.com/kiwanispalmbeach.