Page 60 - MIN JUS

Den caso Afvloeing Setar: SEPPA no ta distancia sy mes pero
ta mira con e cosnan corectamente ta hinca den otro

Tuesday, 14 February 2017 22:29
Comparti

Magali Brito durante entrevista a splica mas riba e desaroyo rond di e grupo cu a vloei af di Setar. Un
lucha largo hiba pero cu awor despues di 13 aña a keda cla. Awor tin algun discusion cerca esnan cu
mester haya placa. Seppa a tuma contacto cu un of otro persona cu lo ta den e comision.

Nan ta bisa cu despues di a haci peticion pa un reunion y pa informacion, no sa kico exactamente nan
kier, pasobra e informacion ey awor gobierno a sali duna despues di acorda e pago.

Seppa mes no tin’e, cu excepcion cu te cu siman pasa por bisa e minister ta zover. Pesey nan lo a atende cu prensa pa
asina por haya atencion di Seppa. Brito a splica cu tin di compronde for di declaracionnan cu Seppa of Magali Brito
lo a distancia for di nan. E ta splica cu aki no tin di haber cu tumamento di distancia, sino tin cu wak e cosnan
corectamente con nan ta hinca den otro.

Un di nan ta cu tin un abogado cu ta atende pa e tres partidonan, entre otro Seppa y e otro esnan cu ta miembronan
cu ta cay bao di abogado di Seppa y e otronan cu tabata miembro di STT, cu ora nan a hala atras, nan a cay bao di
Seppa, apesar cu nan no ta miembro y tin e 32 hendenan eynan tambe cu tambe e tempo ey a scoge e mesun abogado
aki pa atende e caso, pero di cual nan no a paga nunca den e caso aki. Esey ta uno

Di dos ta un cobransa cu e comision aki a entrega na Seppa y cu e cobransa aki no mester wordo dirigi na Seppa,
pero mas bien ta stuur’e door pa e mesun abogado di e trahadonan aki pa e por cobra cada un di e trahadonan aki e
suma cu e grupo aki lo ta claim di trabaonan cu a wordo haci. Tin cu bisa si cu ta reconoce cu un trabao a wordo haci.
Ta reconoce cu nunca tabata e diferencia di opinion. Pero di otro banda, den Seppa tin personanan cu ta carga
responsabilidadnan y di cual e desicionnan ta tuma luga na e nivel ey.

Den nan congreso aña pasa na November, a splica durante e congreso ampliamente con e situacion aki ta habri. Ta
contento cu e decisionnan cu a wordo tuma, pero tambe ta contento cu a rais di e mesun declaracionnan eynan den
prensa, diferente persona a acerca Seppa, a pasa na nan oficina, pa wak tur e cobransanan cu tabata tin y cu Seppa a
sa di para responsabel pa nan, ta e mesun cobransanan ey, e mesun abogado tin, pasobra ta e tabata manda nan. Cu
ta e mesun cobransa eynan e lo sa di dirigi tambe na e personanan aki cu tin e caso gana. No tin duda cu e hendenan
cu tin e caso aki cu a gana, ta conciente cu despues di 13 aña cu bo no a paga un caso, algo mester wordo paga. Esey e
abogado tambe ta conciente di dje. Esey a inform’e tambe y ta spera cu awor aki cu na final e proceso aki ta den su
fase final cu e ora eynan, tanto abogado di Gobierno cu abogado di Seppa, lo sa di yega na un entendimento con e
pago lo bay tuma luga den e simannan nos dilanti, segun Magali Brito.